Seleccion di volleyball femenino a cay venci den tur tres encuentro den e “World Championship Qualification Tournament” teni na Aruba

Seleccion di volleyball femenino a cay venci den tur tres encuentro den e “World Championship Qualification Tournament” teni na Aruba

No obstante di no a gana un di su tres weganan, e seleccion femenino di Aruba por mira tras di un bon experencia durante di e “World Championship Qualification Tournament” teni siman pasa na Aruba. Nos seleccion femenino di volleyball a enfrenta Martinique, Haiti y Surinam. Mester bisa cu a habri contra di Martinique cual tabata un wega cu por a gana pero a lolargo a laga e wega bay y ta perde esaki 3 – 1. Diadomingo a enfrenta Haiti unda Aruba a hunga un tremendo prome set y dado momento tabata gana pa casi 10 punto, pero a lo largo ta keda cortico, unda Haiti a probecha bon di e fayonan di Aruba y asina ta bon gana e wega 3 – 0. Den oranan di anochi Aruba ta perde di e fuerte ekipo di Surinam 3 – 1 den un bon partido contra e miho ekipo den e cualificacion aki cu no perde un set. Pa nos atletanan sigur e tabata un experencia unico mirando cu nos a duna bataya y a enfrenta algun pais considera como fuerte den e region. Nos seleccion tabata falta haltura y e toke final, sigur den torneonan di e caliber aki bo tin cu keda concentra for di comienso te cu final. Awor mester traha mas duro pa e proximo competencia riba e calendario.
#297sports

  • volley_01
  • volley_02
  • volley_03
  • volley_04
  • volley_05
  • volley_06
  • volley_07
  • volley_08
  • volley_09
  • volley_10
  • volley_11
  • volley_12
  • volley_13
  • volley_14
  • volley_15
  • volley_16
  • volley_17
  • volley_18
  • volley_19
  • volley_20

Related posts