Futbol ta den inicia na Aruba cu e Copa Betico 2017

Futbol ta den inicia na Aruba cu e Copa Betico 2017 pero e transferencia di hungador ta keto

Mundialmente varios cambio ta sosode den luna di januari ora clubnan di futbol cumpra hungador den e di dos etapa di e temporada di futbol. E mercado semper ta atractivo unda bo ta ripara algun ahustenan ta wordo haci.

Mas cu claro na Aruba tambe nos tin e cambionan den e futbol local pero e anja aki nos a ripara cu nada no ta concreto y ta keda puro speculacion. Nos a mira cu nos coleganan di Futbol Aruba a pone varios rumor y algun di nan interesante.

For di basta dia caba nos tambe ta puntra rond pero e clubnan ta keto riba e asunto aki. Ta asina cu riba “caya” nos a bin compronde cu e cambionan lo ta:

1. Bebe, portero di Riverplate lo bay Dakota mirando cu Eric Abdul no lo bolbe mas e aña aki pa motibonan di trabou

2. John Lugay y Marion Carion di Britannia lo bay den un “trading” pa Dakota den cambio pa Johnson Rincon kende lo bay Britannia.

3. Bolante estelar Kingsley Webb di Brazil Jrs lo bay Dakota

4. Tata y yiu Carlos y Joel Geerman di Estrella lo bay Real Piedra Plat cual ta un perdida grandi sigur pa Estrella.

Por ultimo esaki si ta confirma cu arbitro
Oshi Kock lo bira head of referee na lugar di Monique Ras.

Mester corda cu tur esaki ta speculacion pues nos no sa berdaderamente si nan ta bay door. Tambe mester corda cu e regla ta bisa e transferencia por tuma lugar si e dos clubnan ta di acuerdo, sino e hungador no lo bay ningun caminda.

Ya caba nos a wak cu tin disgusto riba media social door cu algun club no kier coopera pa un of mas hungador bay un otro ekipo consecuentemente ta perhudica e futbolista door di no duna esaki suficiente tempo di hunga den e prome parti di campeonato y awor no lage bay niun otro club tampoco.

Asina nos tin informacion concreto nos lo avisa e fanaticada.
#297sports.

  • futbol01
  • futbol02

Related posts