Britannia campeon Copa Betico Croes 2017

Britannia campeon Copa Betico Croes 2017

Diaranzon anochi AVB a clausura e gran final di Copa Betico Croes den un ambiente festivo unda un publico grandi a presencia e partido entre Dakota y Britannia.

Un wega caminda Britannia a sali triunfador ganando Dakota 2 – 1 y asina logra nan di 7 titulo di e Copa Betico, un record completo.

Pa loke ta e wega mes nos tin cu bisa cu esaki tabata uno pareu, cada ekipo a probecha di e momento di tuma e iniciativa y trek e wega na nan banda. Den e prome tempo Britannia a luci gran sigur den e medio campo y a probecha na anota su dos golnan cual golnan a bini riba un bruhacion y e otro riba un infraccion den e area penal. Despues di halftime cosnan a bolter ora cu Dakota a haci su ahustenan y a bira mucho mas peligroso mientras e crea varios chens probechando solamente di uno.

E prome gol a bini na di 11min ora cu e bolante Reinir ta anota e 1 – 0 pa Britannia despues di un bruhacion dilanti di e gol di Dakota despues di un cruse di Luis Carlos Croes. E bala ta cay riba pia di Reinir dilanti gol y aki portero Joscar de Kort ta sali lat unda Reinir ta pusha e bala den gol. Den e hugada aki portero De Kort a lesiona su schouder y mester a bandona e tereno di wega y a wordo remplasa pa Eric Abdul.

Net prome cu half e delantero Jeanpierre Fingal ta haya un bon bala unda e ta rush bay direccion di gol aki Akeem ta medio foul e den e area penal unda arbitro De Leca ta pita pena maximo. Luis Coco Estrada ta tuma esaki y manda Dakota 2 – 0 dilanti.

Den e segundo tempo Dakota a sali cu hopi speed y dicidi pa corta e ventaha aki Ricky Hodge ta haya dos bon chens pero ta desperdicia ambos. Asina mes Dakota ta corta ventaha 13 min prome cu final den un bunita hugada individual di Nickenson Paul kende ta kita dos homber for di su curpa y los un tiro violento caminda Kenny Dania no por a haci nada cune. Mester bisa cu e propio portero Dania di Britannia ta lesiona su mes ora e ta cay malo riba su lomba den un hugada cu e alero Balentien.

Den e ultimo 20 min Dakota ta pone presion buscando e gol di empate y ta haya e oprtunidad pero e puma nan ta wanta duro y asina logra nan di 7 titulo di Copa Betico Croes.

  • DSC_7616
  • DSC_7622
  • DSC_7623
  • DSC_7625
  • DSC_7631
  • DSC_7636
  • DSC_7641
  • DSC_7652
  • DSC_7662
  • DSC_7671
  • DSC_7676
  • DSC_7679
  • DSC_7680
  • DSC_7691
  • DSC_7696
  • DSC_7723
  • DSC_7725
  • DSC_7729
  • DSC_7734
  • DSC_7739
  • DSC_7751
  • DSC_7772
  • DSC_7774
  • DSC_7775
  • DSC_7786
  • DSC_7818
  • DSC_7823
  • DSC_7875
  • DSC_7879
  • DSC_7889
  • DSC_7890
  • DSC_7893
  • DSC_7899
  • DSC_7902
  • DSC_7906
  • DSC_7907
  • DSC_7910
  • DSC_7914
  • DSC_7917
  • DSC_7923
  • DSC_7937
  • DSC_7946

 

Related posts