Brian lo permanece te cu aña 2020 na Inglatera

Brian lo permanece te cu aña 2020 na Inglatera

Entrenador di futbol, Brian van den Bergh lo permanece te cu aña 2020 na Inglatera unda e lo busca e diploma di FIFA Pro.

E conocido entrenador di futbol Brian van den Bergh di @FC Noord a muda desde november 2017 pa Inglatera unda e lo keda pa un periodo di casi 3 aña pa logra un total di 7 certificado cu tin di haber cu e materia di futbol. E lo sigui cu su estudio unda e lo por obtene First aids, Safe Guarding children(cual ambos ta cla), FA Level 1, FA Level 2 y su UEFA B TBA( e tres ultimonan lo tin un duracion di 6 luna). Despues e lo sigui pa e diploma di UEFA A cu lo dura 8 luna. Por ultimo e lo sigui cu e FIFA Pro (mesun papel cu Guardiola y Mourinho) cu lo tin un duracion di 1 aña y mei mientras e ta spera cu e lo por hasi e parti praktico na Aruba mes. Esaki kiermen cu na aña 2020 Brian lo ta bek na Aruba.

Na e momentonan aki Brian ta traha cu un club local den e liga local cual ta un exigencia di FA. Diadomingo ultimo su ekipo Dulwich Village FC – U14 a avansa pa e FA Youth league CUP. Tambe e la atende e FA Grassroots Conference na 2017 cu a wordo duna pa e coach nacional di Inglatera U17/U20 and senior.

  • brian_01
  • brian_02
  • brian_03
  • brian_04
  • brian_05

Related posts