Jorge den tremendo forma na Italia

Jorge den tremendo forma na Italia

Pelotero Jorge Vrolijk den tremendo forma cu su ekipo Macerata Angels na Italia.

E hoben pelotero Jorge Vrolijk cu luna pasa a biaha pa Italia pa asina sigui su carera den e deporte di baseball ta bayendo den tremendo forma. Mester bisa cu awe diadomingo Jorge a bati 4-2 cu 2 RBI mientras ayera diasabra e la bati di 4 – 3 cu 3 RBI.

Notable ta cu e prospecto Arubano ta den e top 15 nan actual sin conta su numbernan bati e weekend aki. Desde di e prome siman Opening week Jorge a bati 1st week 7-5 cu 5 RBI, 2nd week 8-1 y 1RBI y 3th week 8-5 y 5 RBI.

Sin duda e hoben Arubano Jorge Vrolijk demostrando progreso enorme aya na Italia. For di representante Conrad Efrem Orman nos a haya e informacion cu e ekipo y staf di coach di Macerata Angels, Italia ta masha contento cu e hoben pelotero y ta gradici pa e confiansa deposita den nan ekipo.

Exito Jorge!!!!.

  • jorge_vrolijk_italia_01
  • jorge_vrolijk_italia_02
  • jorge_vrolijk_italia_03
  • jorge_vrolijk_italia_04

Related posts