“The Captain” Theric Ruiz a retira di futbol
Photo Credit To Hubert de Cuba/Josie Maduro

“The Captain” Theric Ruiz a retira di futbol

Aña pasa caba e kier a colga su sapatonan, pero despues di un periodo cortico e la dicidi di tog incorpora su mes den e ekipo di su infancia cu ta e orguyonan di S.v. Bubali pa despues retira di futbol.

Diasabra capitan Theric Ruiz a bisa ayo na futbol caminda Bubali y su ex-ekipo Sv Britannia Aruba a rindi un bunita homenahe na su persona. Mas cu claro tabata un momento emocional pa Theric y su famia como tambe su compañeronan di ambos ekipo. Como hungador Theric semper a resalta den nos futbol y tabata bon conoci como un futbolista completo. E la milita den Bubali, Nacional Soccer Club Aruba y Britannia como tambe den diferente seleccionnan di Aruba, si nos no tin hera den tur e la fungi como capitan di e ekipo of seleccion pesey mes tambe e apodo “The Captain”.

Awo Theric por yega stadion y disfruta di e hobennan cu ta sigui entre otro su paso den futbol y mes lo sigui den futbol veterano FEDEVETA.

Di ❤ nos di 297sports kier a desea Theric Ruiz tur clase di exito y danki pa laga nos disfruta di tur su momentonan brinda den e futbol local. Arubaanse Voetbal Bond – AVB

  • theric_ruiz_01
  • theric_ruiz_02
  • theric_ruiz_04
  • theric_ruiz_03
  • theric_ruiz_05

Related posts