Julianne cu tremendo presentacion

Julianne cu tremendo presentacion

Julianne Dorothal contento cu su prestacion como freshman den e temporada di Track & Field na Cleveland.

Siman pasa e atleta Arubano residencia na Merca, Julianne Dororthal a termina e temporada di atletismo den cual e la competi den e campeonato mas grandi di aña cu ta e Horizon League Track and Field championship. Durante e competencia Julianne logra un di 5 lugar den e disciplina di Heptathlon(cu 1 punto di diferencia cu e di 4 lugar) y un di 6 luga den javelin individual. Mester bisa cu e fin di siman tabata uno hopi ocupa unda Julianne a competi den 9 evento esta heptathlon, open high jump y open Javelin.

Remarcabel ta cu e atleta Arubano a sera e temporada cu algun record pa su scol CSU. Recordnan riba Julianne su nomber ta entre otro: indoor 60m hurdles, indoor long jump, indoor y outdoor shot put y Javelin. Tur esaki despues di e competi den 13 competencia durante e anja escolar.

Segun Julianne e anja no tabata facil, e parti adaptacion cu cosnan nobo manera scol, clima y entrenamento. Pa otro aña Julianne ta spera di por logra un miho resultado.

Pabien y hopi exito Julianne.

  • julienne03
  • julienne05
  • julienne04
  • julienne02

Related posts