Final baseball Aruba Little League
Photo Credit To Seever Krozendijk

Final baseball Aruba Little League

Final di baseball di Aruba Little League divisionnan Junior y Senior ta inicia diasabra den un serie di best out of three.

Diasabra mainta sin duda stadion di Nadi/Crismo na Sta Cruz lo ta repleto di hende y lo bira e cas di un otro spectaculo di baseball ora cu e final den tanto junior como senior inicia. Un final anticipa unda den e categoria Senior nos ta haya Aruba North Little League vs Aruba Center Little League mientras den e categoria Junior nos tin North/ Aruba South Little League vs Center.

E wega di Senior ta programa pa cuminsa 10 am mientras e wega di Junior ta programa pa cuminsa 1 pm.

Ta bon pa menciona cu e anja aki e ganador di Senior lo biaha pa Corsow den e campeonato Latino Americano mientras Junior lo ta na Aruba mes unda ambos seleccion lo forma parti di e campeonato Latino Americano di baseball.

Diadomingo e weganan lo continua cu e di dos partido mainta 10 y 1 or di merdia.

Hopi exito na tur e cuater seleccionnan.

  • baseball_03
  • baseball_02
  • baseball_01

Related posts