Aruba a bai cu premio na Russia

Aruba a bai cu premio na Russia

Aruba a bay cu e premio grandi di Young ambassador/Journalist na Russia den 211 pais participante

Despues di hopi dia di preparacion y diferente tareanan cu Sheqayli Ascencion mester a cumpli cu ne for di Aruba te cu akinan na Russia nos por bisa cu Aruba por ta hopi contento y orguyoso di su dos hobennan di 11 y 12 aña cu a haci un promocion enorme pa nos dushi Isla Aruba. 3 dia di training y cursonan, un dia di world futbol championship unda 211 pais a participa y diaranzon e closing ceremony unda cu a reconoce futbolistanan cu a destaca durante e torneo y un show espectacular tabata e culminacion di e 2018 Gazprom football friendship program.

Nos Hoben Jahmani Eisden a wordo yama pa forma parti di e opening flag ceremony di Mundial Russia 2018 cu a haci nos contento. Pero mas feliz ta ora a yama Sheqayli pa ta e orador durante e forum diaranzon atardi. A yama Sheqayli dilanti y hacie un par di pregunta pa unda despues e mes a introduci su video di nos dushi Aruba y despues a anuncia e premio principal cu ta e young ambassador/ journalist di F4F 2018. Bao di hubilo y lagrima, famia y representantenan di AVB a bula bay halto na momento cu a anuncia cu Shiki ta e ganador 2018. Sheqayli y Jahmani lo ta den stadion na e apertura di Mundial 2018.

Aruba, Shiki kier gradici tur hende cu di un forma of otro a yude cu su preparacion pero mas sponsernam Superfood Aruba, Aruba Bank N.V. Sportsubsidie commisie, Crown Aruba, RDA, High Performance Aruba Digicel Aruba office y tur cu a yuda den sponser.

Sheqayli kier gradici Noel Werleman cu desde di principio ta esun cu a graba cu tur pasenshi su videonan y a guie den su presentacionan pa dilanti camera. Sin kita Rokelino Angela cu a graba su video di Aruba pa e projecto di Eco Iniciative cu a wordo pasa pa mundo completo por a mira riba e pantaya grandi na e forum. Danki di curazon di parti Shiki. Mester bisa cu e video a briya riba pantaya grandi dilanti portero Iker Casillas di Spaña cu tabata e invitado di honor y presidente di FIFA, Giovanni Infantino y representante di presidente Wladimir Putin.

Diasabra atardi cu vuelo di KLM nos hobennan ta yega Aruba.

Keda pendiente pa un video di Sheqayli y Jahmani a graba pa Aruba

  • shiki_premio_01
  • shiki_premio_02
  • shiki_premio_03

Related posts