Eldrick lo hunga cu e team di Hulanda

Eldrick lo hunga cu e team di Hulanda

Softbolista Eldrick Dijkhoff lo hunga cu e seleccion Hulandes den e Men’s European Championship (XIV) na Czech Republic.

E dianan 25 pa 30 juni proximo, e seleccion di Hulanda den softball lo tin un compromiso serio den e European Championship Fastpitch cu lo tuma lugar na tres ciudad na Republica Checo. E ciudadnan Havlíčkův Brod, Kostelec y Orlicí, lo host e weganan.

E softbolista elite di Aruba, Eldrick Dijkhoff cu ya pa varios anja ta bin reforsa e seleccion Hulandes un bes mas a wordo invita pa forma parti di e seleccion. E hungador di Aruba semper a resalta den e seleccion y ta un hungador clave pa Hulanda. Diamars Eldrick lo biaha pa Hulanda unda e lo encontra cu e seleccion. Mester bisa cu tin 12 pais participando na e torneo di cual Hulanda ta den grupo B hunto Dinamarca, Israel, Suecia, Croacia y Slovakia.

Eldrick Dijkhoff y e Seleccion Hulandes di Softball ta buscando e clasificacion pa e Mundial di Softball 2019.

Hopi exito Eldrick.

  • eldrick_dijkhof_01
  • eldrick_dijkhof_02
  • eldrick_dijkhof_03
  • eldrick_dijkhof_04
  • eldrick_dijkhof_05
  • eldrick_dijkhof_06

Related posts