Aruba cu hopi elogio na Russia
Photo Credit To Noel Werleman

Aruba cu hopi elogio na Russia

Aruba su Representante di media ta wordo nombra cu hopi elogio na Russia.

Durante un rueda di prensa presenta pa Football for friendship social program a presenta algun proyectonan cu ta destaca den e hobennan di diferente pais rond mundo. Algo di remarca cu no ta prome biaha ta pone atencion riba nos representante Sheqayli Ascencion su entrevista y cobertura pa promove e programa aki unda 211 pais ta participando. Awe 30 di mei 2018 a dirigi nan vision atravez di un relato, riba un iniciativa ecologico cu base educativo y humanitario na Moscou, Russia. Durante di encuentro futbolistico mundial hungadornan di 211 pais lo participa cargando nomber di un di animalnan cu ta den peliger di extincion. Hobennan di diferenta pais a duna di nan parti pa yuda den limpiesa den nan pais pa nos ta mas conciente di e dañonan cu nos por haci na nos naturalesa. Ta admirabel pa sa cu den 211 pais e ta un di e 4 escohi pa papia di Aruba.

Gazprom Internacional Children’s Social programme Football for Friendship a lansa awe 30 di mei 2018, un iniciativa ecologico den un mision educacional y humanitario na Moscu, Russia. Embahadornan rond mundo di e programa Football for Friendship na cual e hobencita di Aruba, Sheqayli Asencion tambe ta formando parti a celebra esaki awe cu un Happy Buzz Day unda ta duna apoya pa proteha especie di animalnan raro manera Amur Tiger, Red Panda, Baltic Seal, Large Fig Parrot y Red Ruffed Lemur.

Na Aruba, participante Sheqayli Asencion un activista di medio ambiente ta promociona e programa Football for Friendship su mision ecologico na su propio pais. E tin su mesun You Tube Channel unda e ta conta su siguidornan di e balor cu e programa tini y e nesecidad pa proteha y cuida animalnan straño rond mundo.

Mester bisa cu ainda falta algun dia pa nan yega Russia y nos ta pendiente di kiko mas nos por scucha di e hoben aki promoviendo Aruba asina grandi otro parti di mundo.

Related posts