Eargenell ta bek pa duna clinica

Eargenell ta bek pa duna clinica

Atleta Eargenell de Cuba ta bek na su isla natal y ta duna un clinica di Beach Volleyball cu hungadornan di Hulanda.

Na Aruba e tabata conoci pa e team up varios anja cu Mitchell Daniel den e deporte di Beach Volleyball unda nan a representa Aruba den e varios weganan grandi manera ODESUR na Santiago de Chile, Centro Americano y Del Caribe na Veracruz, Mexico y Pan Americano na Toronto, Canada. Despues cu na anja 2015 e la sigui cu su estudio na Hulanda, Eargenell a sigui cu volleyball unda e la hunga indoor y tambe despues outdoor y aki ta caminda el a cosecha exito door di bira number tres di henter Hulanda den e Nederlandse Kampioenschappen BV.

Awor Eargenell ta na Aruba unda el a bini cu un grupo di Hulanda specialmente pa praktica e deporte di beach volleyball riba nos santo blanco mirando cu na Hulanda e temperature no ta duna pa praktica e deporte pafor. Hunto cu un otro partner Derek, Eargenell ta duna e clinica tur dia y ta encanta e coaching den e deporte aki. Pa awo Eargenell lo kier sigui engrandese su mes den e parti di coaching pero no por descarta cu e lo por representa Aruba un dia bek den e deporte di Beach Volleyball.

Hopi exito Eargenell de Cuba den bo carera di beach volleyball na Hulanda.

  • D5A_6413
  • D5A_6414
  • D5A_6421
  • D5A_6431
  • D5A_6444
  • D5A_6462
  • D5A_6480
  • D5A_6482
  • D5A_6490

Related posts