Britannia ta piki 3 punto

Britannia ta piki 3 punto

Britannia ta piki 3 punto importante despues di a derota La Fama 3 – 1.

Dos ekipo cu mester punto in duda ta Britannia y La Fama unda ambos ekipo ta lucha pa keda entre e mihor cuater ekiponan den Division di Honor. Siman pasa ambos ekipo a cay venci unda Britannia ta perde di Bubali 3 – 1 mientras La Fama ta perde di RCA 4 – 0. Riba e tabla di posicion, Britannia ta comanda e di 5 lugar cu 15 punto, dos tras di Brazil Jrs y La Fama na di 8 lugar cu 8 punto cu ta cuater menos cu Bubali cu ta na di 7 lugar, pues victoria ta hopi importante pa tur dos ekipo.

Pa loke ta e wega mes mester bisa cu esaki a inicia cu balanan largo y tur dos ekipo buscando e atakepa habri e marcador. Britannia ta mas den posicion di bala pero sin crea mucho peliger. Na di 6min La Fama ta anota gol via un cabesaso pero e bandera a bay halto pa un presunto posicion adelanta. Pero na di 10min un foul den e area penal di La Fama riba Castro ta pone referee pita penalty unda Coco Estrada ta anota e 1 – 0 pa Britannia. Despues di e gol La Fama ta laanta foi sonjo y ta bay mas den atake, un tiro liber serca di e area penal ta pasa net over di gol di portero Carlos Geerman. Defensor di Britannia Donato tambe ta manda un bala diagional cu ta pasa basta serca di gol.

Britannia ta sigui pone presion unda na di 21min un error garafal di portero di La Fama, Gilbert Bautista kende ta purba na hala Coco algun meter for di su gol pero aki Estrada ta kita e bala for di Bautista y facilmente ta pusha e bala pa e 2 – 0 pa Britannia. Aunke Britannia tabata tin e wega bou control, e delantero Susebeek di La Fama ta haya bon chens pa corta ventaha unda e ta kita portero Geerman pero e bala ta dal den su hilchi bay patras y cay den man den Geerman. Pero na di 34min si Susebeek ta probecha di un mal salida di potrero Carlos Geerman unda e ta kita Carlos y pone e bala den net pa e 2 – 1. Por poco La Fama ta empata pero e biaha aki si portero Geerman ta para e bala di Susebeek. Den e ultimo 10 minut di e prome tempo La Fama a drecha su wega y tabata peligroso.

Den e di dos tempo, La Fama a purba tur manera di pone presion y empata e wega y varios biaha nan tabata hopi serca. Na di 76min, e hungador Altidore di La Fama ta haya carchi cora unda e ta laga su ekipo di 10 hungador, Altidore a caba di drenta como substituto. Asina mes La Fama a keda bon planta riba tereno. Pero na di 85min, e solo rush y cu un bon counter ehecuta Coco Estrada ta bay laga tur hende y ta drenta e area penal y schuif e bala nechi pa e 3 – 1, Coco ta anota su di tres tanto.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Mucho mas no a pasa den e wega cu Britannia ta logra un victoria importante cu ta pone e pumanan di Piedra Plat na di 4 lugar cu un punto riba Brazil Jrs. Pa La Fama cosnan ta keda complica

Related posts