Taekwondo no ta logra qualifica pa Lima2019

Taekwondo no ta logra qualifica pa Lima2019

Atletanan di taekwondo no a logra nan clasificacion pa e Weganan Panamericano Lima 2019.

E obhetivo pa yega e Weganan Panamericano den luna di juli benidero no a ser logra pa nos atletanan di taekwondo. Diahuebs tur nos cuater atletanan a mira accion unda nan mester a enfrenta e mihornan di nos continente pa asina logra un cupo pa yega Lima.

Mester bisa cu e atleta Chiara Petrocchi no ta logra gana su prome pelea contra di Puerto Rico y ta cay venci den forma convincente. Chiara a haya e loting di mas pisa unda e la haci todo lo posibel pa duna bataya pero e oponente tabata simplemente fuerte. Den e siguiente peleanan Chiara mester a gana pa e por a logra y aki tampoco cosnan no a bay manera desea.

Pa loke ta nos atleta Olympico, Monica Pimentel, esaki ta perde su pelea 14 – 13 den forma dramatico contra di Mina di Ecuador mientras su dos restante combatenan mester a wordo gana pa por logra su clasificacion ainda pa e Weganan Panamericano 2019 pero aki tampoco suerte a toca na banda di Monica. Mester bisa cu Monica tabata perdi 13 – 5 pero ta bini bek te 13 – 13 pero lamentablemente e taekwondista di Ecuador a anota un punto mas den e ultimo seconde.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

E taekwondista Stuart Smit ta gana un pelea pa default contra di Surnam mientras e otro e ta perde contra di Canada. Su contrincante di Surnam no a presenta pa e combate mientras den e di dos pelea Stuart ta perde contra di Canada. Smit mester gana su dos peleanan cu resta pa e por logra su clasificacion pa e weganan di Lima, pero aki tambe e no ta logra vence y ta keda cortico.

E hoben Zahyon Klaber ta bringa su prome pelea contra di Puerto Rico pero ta cay venci den un pelea unda Zayhon tabata falta agresividad. Su di dos pelea tambe Zayhon ta perde y asina mira su oportunidad pa yega Lima bira nulo.

Esaki ta nifica cu despues di varios anja Aruba no lo tin participacion den un Wega Panamericano den e deporte di Taekwondo.

Related posts