Automobilistanan no kier coopera

Automobilistanan no kier coopera

Ainda tin automobilistanan cu no kier coopera cu eventonan di canamento y coremento riba caminda publico.

Cu tin hopi caminda sera na Aruba y cu e esaki ta obstaculisa y stagna di trafico na Aruba den cierto sentido no ta un secreto. E medio social tur dia ta yena di tur e reclamonan aki. PERO nos ta kere tambe cu a lo largo mester coopera asina mes cu organisacion/instancia/scolnan cu den fin di siman ta organisa nan eventonan di caminata y/of coremento como tambe core bicicleta. Mayoria biaha ora di pidi permiso na Polis ta nifica cu e recorido di e ruta ta uno cu Polis mes ta evalua si e posibilidad tey pa duna e permit of ta anula/nenga esaki debi na e fluho di trafico. E rutanan di caminata no ta keda sera pa mas di dos ora y semper tin e alternativa pa pasa un otro caminda of e motor unit ta dirigi na e crusadanan ta duna e indicacion cu por pasa ora no tin participante ta bini.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Diasabra despues di e Filomena Run na San Nicolas nos a haya un avalancha di reclamo di tanto e participantenan, mayornan, mironesnan y boluntarionan cu a conta con nos automobilistanan no tabata respeta e participantenan riba caminda. Sea nan ta neglisha e demas boluntarionan cu ta yuda para trafico y ta gewoon pasa tog. Riba dje ta insulta tambe esnan riba ruta cu ta yuda cu palabranan menos bunita. Esaki simplemente NO POR. Sea mas tolerante y cu pasenshi, baha for di bo auto un rato y apoya tur esnan cu ta participa e momento ey. Ken sa kizas bo tambe lo haya gana di inscribi den un otro occasion y contribui primeramente na bo propio salud.

Mas cu claro nos tin cu elogia esnan cu si a para canti caminda of a baha for di nan auto, Sali for di nan cas cu tabata riba e ruta y apoya tur e parrticipantenan. Danki pa e gesto aki.
Por ultimo esaki; “If you – as a driver – disapprove the sport event.. at least show respect for participants and volunteers”.

Related posts