REMETIDO:Karatekanan buscando ayudo

REMETIDO: Karatekanan Silva y Lugo buscando ayudo pa cu nan clasificacion Panamericano.

Ami Robert Silva y Kevin Lugo, atletanan adulto cu ta pertenece na seleccion di Aruba pa varios anja y cu experiencia den competencia local y internacional. Y como karatekanan nos ta participando na un plan di training cu nos entrenador natural cu ta reconoci mundialmente pa su logronan cu su atletanan.
Nos ta aserca boso pa medio di e carta aki, pa motibo cu nos ta den un situacion hopi frustrante. Nos kier elabora riba esaki, dia 18-23 di maart 2019, lo tuma lugar Clasificatorio y despues un competencia Panamericano, XXXIII Pan American Championships. Esaki ta un clasificatorio pa Panamerican Games y asina nos por logra un lugar den Weganan Olimpico 2020.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Na e momentonan aki nos ta practicamente afo di e competencia, pa prome ta cu Federacion di Karate di Aruba no tawata na altura cu lo tin un competencia Panamericano y cu e tin un clasificatorio. Di dos Federacion di Karate di Aruba no kier duna nos un carta di “Aval” ( carta di registro pa por participa) pa asina representa Aruba, despues di a sinta y reuni cu nan y informa Federacion di e competencia aki, Federacion a bai di acuerdo via un palabracion oral cu nos lo haya e “Aval”, pero cu no lo tin ayudo di Sportsubsidie Aruba.

Nos a palabra oral cu nos ta bai di acuerdo cu no lo ricibi ayudo monitario, nos mes como atleta y cu gana di competi, mes lo core cu tur gasto cu esaki lo bin cune. Nos a cumpra e tickets y book nos hotel caba. A resulta cu ayera un siman despues cu e reunion di confirmacion cu nos lo ricibi e carta di “aval’ nan ta bisa nos esey no ta posibel mas!!, pa motibo cu nos a perde e prome y e unico training despues di e last try out, cual nos a bai competi na un Open di Karate na New York pa ultimo fogeo prome cu e Panamericano y clasificatorio y nos a notifica Federacion di esaki den e reunion y nan a palabra cu esaki no lo ta un problema.

Ta dificil pa comprende cu Federacion di Karate di Aruba, no ta compronde cu esaki ta e unico manera actual pa nos por clasifica y cu nos deporte lo wordo saca di Weganan Olimpico, despues di Weganan Olimpico 2020. Nos kier competi y saca Aruba dilanti den e deporte di karate, esaki no ta un sencacion husto, ni emocionalmente of economicamente destrui e sonjo di tur atleta cu ta practica cualkier deporte. Federacion ta bin cu un decision di un dia pa otro, pa no para tras locual a ser palabra oralmente y esaki sin un hustificacion of motibo valido.

Nos ta duna bida deportivo na e Federacion di Karate di Aruba y nos ta ofreciendo nos mes pa reconoce talento deportivo di Aruba.
Nos peticion ta pa Federacion di Karate reconsidera nan decision di no duna nos e “aval”. Nos kier pa e pueblo di Aruba ta na altura di e desaroyonan aki .

Nos ta spera di haya un respuesta positivo,
Masha danki pa considera e carta aki.
Saludos Oss
Robert Silva
Kevin Lugo

 

Reacion AKB

NOTA: Aruba Karate Bond ta aclaria riba e asunto di e karatekanan Silva y Lugo.

Despues di e publicacion di e remetido envia pa e atletanan Lugo y Silva, Aruba Karate Bond kier a aclaria e asunto aki. Segun e federacion, e dos atletanan berdad ta seleccionado pero dado momento nan no a entrena mas cu e entrenador asigna pa e federacion pero a dicidi di entrena cu nan mesun entrenador cual segun regla di AKB no por paso mester entrena cu e entrenador di bond. Asina mes cu Bond a duna ambos e oportunidad pa sigui entrena cu e entrenador di bond. Es mas ambos atleta a bay competi den un competencia internacional sin cu a pone bond na haltura di nan biahe. Ultimo ambos atleta a pidi federacion pa traha un carta pa asina nan por bay e clasificacion Panamericano, cual bond mirando tur loke a pasa a nenga di asisti ambos atleta esaki.

Si e atletanan ta traha segun regla e federacion ta apoya 100%, pero a prefera train otro banda cu nan instructor y ta laga federacion un banda y awor kier pa federacion traha carta pa competi den e clasificacion Panamericano. Segun federacion no tin ningun plan ni asistencia y ni entranamento. Karate bond ta traha cu su reglamento nan pa yuda atletanan y subi e nivel di karate.

Related posts