Dakota bek na prome lugar

Dakota bek na prome lugar

Dakota bek na prome lugar mientras awor lo concentra riba 2019 Concacaf Caribbean Club Shield na Corsow.

Diamars anochi, e campeonnan di e temporada pasa esta Dakota a tuma e timon bek pa loke ta e liderazgo den futbol Division di Honor. Un victoria riba e ekipo di Brazil Jrs a pone Dakota acumula 34 punto cu ta pone nan bandi Nacional pero cu un mihor averahe di gol. E victoria sigur no tabata uno facil unda Dakota mester a traha duro contra di Brazil Jrs cu a lucha pero no por a saca tres punto contra e abehanan. E regreso di e hungadornan di seleccion manera Gross, Paul, Kaarsbaan y Hodge cu a yega net na tempo sigur a yuda contribui na e victoria importante aki. Faltando algun wega mas Dakota ta prakticamente clasifica y awor lo mester prepara pa e Caribbean Shield.

Aki Dakota lo tin un compromise serio ora cu den e Confederation of North, Central America and Caribbean Association Football (Concacaf) nan lo mester hunga den e 2019 Concacaf Caribbean Club Shield na nos isla ruman Corsow. E amariyonan a cay den grupo D hunto cu Club Franciscain (Martinique) cu ta e campeonnan di anja pasa como tambe SV Robinhood (Suriname) cu ta conoci pa nan bon futbol. Esaki sigur lo bay ta un futbol riba un otro nivel, pero no tin duda cu nos ekipo campeon dii Aruba lo san a defende nos bandera cu tur honor.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

E competencia pa clubnan amateur lo tuma lugar April 5-15, 2019 den e stadionnan di Ergilio Hato Stadium y Dr. Antoine Maduro Stadium, na Willemstad, Corsow

Di aki banda nos kier a desea Dakota tur clase di exito na Corsow.

Related posts