3 ekipo ta cla pa disputa pa e playoff final

3 ekipo ta cla pa disputa pa e playoff final

Tres ekipo ta cla pa disputa e playoff final di futbol Division di Honor faltando dos fecha mas pa bay

Dakota, Nacional y RCA ta cla pa e playoff final di futbol Division di Honor, falta e di 4 cu lo por bira Estrella of Bubali mientras Britannia tin un chens hopi chikito. Sin duda e dos ekkiponan mas stabil di e campeonato aki tabata Nacional y Dakota kende anja pasa a hunga e gran final di futbol Division di Honor cu a lo largo a conoce Dakota como e ekipo campeon despues di hopi anja. E temporada aki cosnan no ta mustra mucho diferente si nos analisa e tabla di posicion faltando dos fecha mas pa bay. Dakota y Nacional tin 37 punto mientras RCA ta sigui cu 32 y Estrella cu 27 cual ta 10 punto bou di e prome dosnan. Tanto Bubali(25) y Britannia(22) tin un chens ainda pa bira e di 4 ekipo cu lo por drenta e playoff.  Mester bisa cu Nacional, Dakota  y Estrella a perde solamente 3 wega e campeonato aki mientras RCA a perde 4 wega, Estrella encambio tin 6 wega empata cual ta mas cu tur otro ekipo den Division di Honor. Dakota(12), Nacional(12) y RCA(10) tin 10 wega of mas gana e temporada aki. Pa loke ta e machine di gol, di e number 1 Dakota te cu number 6, Britannnia tur a anota riba 30 gol cu Dakota comandando e tabla cu 43 gol. Di e ekiponan cu menos gol encontra nos ta haya Dakota cu 15 gol ricibi, sigui pa RCA cu 17 gol. Si nos wak e duelo e temporada aki entre e ekiponan halto riba e tabla cu ta Dakota y Nacional, esaki a bay na fabaro di Nacional. Den e prome wega hunga na oktober 2018, Dakota y Nacional ta emppata 2 – 2, mientras na februari, Nacional ta gana Dakota 2 – 1.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Conclusion!! No por bisa mucho mirando cu den playoff e puntonan ta cuminsa bek na cero. Nacional y Dakota den nos bista cu e oportunidad di mas grandi, RCA ta yeega su di ocho playoff final y semper ta duna bataya. Pa loke ta e di 4 ekipo, Estrella anja pasa tabata tin e mala suerte di perde hungador clave net den playoff y tabata sigur un di e faboritonan anja pasa. Ban wak e anja aki. Bubali cu rumannan Escalona a haya un boost formal y ta mira nan chens bira cada dia mas grandi. E ekipo di Piedra Plat si a struggle un poco pa dos anja caba pero ta conoci como un ekipo peligroso mirando nan trajectoria desde 2001 den futbol Division di honor.

 

 

Related posts