BMX den gran forma na Costa Rica

BMX den gran forma na Costa Rica

Atletanan di BMX a presta den gran forma den e Copa Naciones na Costa Rica

Mayoria di nos atletanan di BMX a subi podium den e prestigioso careda Copa Naciones na Costa Rica. Tanto den elite cu Shanayah Howell y Feddison Flanders como tambe den hubenil cu Dqion, Tirsa y e chikitin Zion cu den tur dos dia di careda a san a cay den premiacion. Esaki sin duda ta demostra e progreso den nos atletanan di bike cross.

Den e categoria infantil y hubenil, Zion Angela a sali di 4 y di 2 lugar pero tabata mas punto cu na final a keda na di 3 lugar, Dqion a bay hopi bon caminda e la sali prome dia na di 2 lugar y na di 1 lugar e di dos dia y prome overall. Por ultimo Tirsa tambe a bay super bon pero un caida a pone cu e la keda na di dos lugar overall. Pero den tur otro careda e la domina cu e prome lugar. Mester bisa cu Shanayah a sli dos dia di 3 lugar, mientras Feddison a sali di 4 y 8 lugar den e dos dianan.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Aruba sin duda por ta orguyoso di nos coredornan di BMX. Aunke cu pista limita cu no ta yega e standard internacional asina mes nos muchanan ta coy premio den exterior. Mester cuminsa na drecha Jaburibari of traha un pista completamente nobo un otro caminda manera esun di Corsow cu tin un di halto nivel. E deporte di BMX ta birando grandi y e prestacion di nos atletanan ta un muestra cu BMX merece mihor.

Pabien na nos atletanan y coach Pedro Estaba y AWB pa cu e prestacion di nos muchanan.

Related posts