Premio Excelencia Den Deporte 2018

Premio Excelencia Den Deporte 2018

Thashaina Seraus y Mikel Schreuders a bira Aruba su Atletanan Femenino y Masculino di Anja Diabierna anochi, Ministerio di Deporte cu sosten di Stichting Sportsubsidie Aruba y Lotto a honra nos atletanan cu mas a destaca den e aña deportivo 2018. 

Den e ballroom di Aruba Marriot Hotel and Stellaris Casino, e atletanan destaca den presencia di nan representantenan, y nan famia a ricibi e galardon maximo durante e prestigioso ‘Premio Excelencia den Deporte 2018’. E aña aki tabata di e 15 aña cu a organisa e magno evento Premio Excelencia den Deporte, un evento cu a sirbi como muestra di gratitud, reconocimento y estimulo cu ta duna n’esnan cu a destaca den mundo di nos deporte local. Un total di 23 federacion a nomina nan 80 mihor atletanan, esaki t’e manera di reconoce e trabou duro y e sacrificio cu cada atleta ta haci pa cada dia bira mihor den nan deporte. E atleta encuestion ta logra triunfa den eventonan deportivo local y internacional y mas cu claro e federacion ta masha orguyoso di por nomina cada un di  nan atletanan e anochi aki. Tur federacion di deporte y nan miembronan a traha duro na bienestar di e deporte y nan atleta. Un mas cu otro a logra acapara gran atencion unda e deporte ta sigui crece y logra bon resultado na final, cual tambe ta e meta di tur federacion.

A premia 6 categoria di cual e dosnan mas principal esta e atleta femenino y atleta masculino di aña.  

Atleta di anja den e categoria 10 – 13 aña femenino: LIV FARRO – Arubaanse Zwembond

Atleta di anja den e categoria 10 – 13 aña masculino: GAVIN KOCK – Arubaanse Zwembond

Atleta di anja den e categoria 14 – 17 aña femenino: ELISABETH TIMMER – Arubaanse Zwembond

Atleta di anja den e categoria 14 – 17 aña masculino: GIANNON EIGHTS – Aruba Triathlon Association

Atleta femenino di Anja 2018: THASHAINA SERAUS – Aruba Bowling Association


Atleta masculino di Anja 2018: MIKEL SCHREUDERS – Arubaanse Zwembond
Un palabra di pabien na tur atleta cu e ser reconoci e anja aki pa nan federacion deportivo. Un pabien special na Liv Farro, Gavin Kock, Elisabeth Timmer, Giannon Eights, Mikel Schreuders y Thashaina Seraus cu nan Galardon como nos mihor atletanan di anja. Na e Comision Organisador un felicitacion pa e bunita trabou haci pa nos atletanan y nos deporte local. 

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Keda pendiente pa Premio Excelencia den Deporte 2019 cu lo tuma lugar den e prome siman di December. 

Related posts