Atletismo lo competi den CARIFTA

Atletismo lo competi den CARIFTA

Delegacion di Atletismo lo competi pa Aruba den e 48 edicion di e CARIFTA Games na George Town, Cayman Islands.

E dianan 18 di april pa 23 di april lo tuma lugar e di 48 edicion di e CARIFTA Games den e deporte di atletismo. E federacion di atletismo di Cayman Island a haya e oportunidad di organisa e Carifta Games unda lo celebra e di 48 edicion di e weganan aki. Mas cu claro Aruba lo participa un bes mas cu un delegacion bon prepara bou guia di nos entrenador y coachnan miembro di e federacion di atletismo Arubano, AAF. 

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

E delegacion di Aruba lo consisti di 6 atleta cu ta cla pa bataya den e diferente disciplinanan di e deporte madre di Olimpismo manera sprint, long distance, jump, high jump y shotput. E atletanan cu lo representa nos dushi isla na George Town, capital di Cayman Islands ta atleta J-Rick Maduro U18 cu lo competi den e 1500m y 3000m, nos tin tambe Luis Erasmus U18 cu lo competi den e 100m y Salto largo.  E hoben Tariq Polonius lo core e  100m y 200m sprint mientras Kirah Regales U20 lo competi den e 800m y 1500m. Por ultimo nos tin Aureen Lampe cu lo midi forza den e disciplinanan di Kogel, Discus y Speer mientras Shawney Coenraad lo competi den Kogel y Discuss. Como coach lo biaha Miranda Nedd, Nigel Nedd Team Manager y Evelyn Farrell como Congress Delegate.

E competencia di Carifta lo bira e prome competencia oficial pa nos atletanan di atletismo. E competencia lo bay ta duro mirando cu islanan Caribense manera Jamaica, Grenada, Barbados, Bahamas, Cayman Island ta bon den e deporte madre di Olimpismo. Nos tin e pleno confiansa den e prestacion di nos atletanan kendenan a prepara nan mes bon pa e Carifta Games. 

Exito na nos delegacion. 

Related posts