ABBA cu mocion di desconfiansa

ABBA cu mocion di desconfiansa

297sports Breaking News: Miembronan di federacion di baseball ABBA a pasa mocion di desconfiansa contra bestuur actual, pero e actual presidente no kier baha.

Diaranzon anochi, a tuma lugar un reunion extra-ordinario di Amateur Baseball Bond Aruba den Centro Deportivo Betico Croes unda cu miembronan di dicho federacion a pasa un mocion di desconfiansa contra e directive actual y nan presidente Sr. Karel Williams. Segun bon fuente nos por a bin compronde cu na final di e reunion Sr. Williams a laga sa di no lo baha como presidente di dicho federacion. E bestuur actual no tin ni 1 anja ainda sinta y ya caba tin problema cu miembronan cual ta pone e baseball un bes mas den un lus cu e no mester ta.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Parece cu lo instala henter un comision pa programa e weganan cu lo mester cuminsa aki tres siman. Mas cu claro no ta tur hende ta contento mirando cu nan kier tur documento pa mira, solucion financiero, reorganisa reglanan di HR y Statuut, ect.

Kiko realmente ta tur e problema nos no tin mucho informacion, un punto cu a sali na cla ta e relato financiero. Loke nos sa si ta cu e campeonato di baseball AA mester a start 17 di April pero te ainda esaki no a inicia. Mayoria biaha tipo di reunionnan asina ta bay porta sera y sin Prensa pesey mes tambe bo no ta haya informacion. Nos lo purba busca mas informacion relacion cu e caso aki.

MOCION DI DESCONFIANZA.

Considerando;

cu desde Juni 2018 e directiva actual no ta consisti di e cantidad minimo di 7 miembro y cu directiva no a hasi ningun empeño pa yena e vacaturanan aki;
cu campeonato 2018 a conoce un retrazo enorme pa motibo di e “nalatigheid” di directiva pa no instala e diferente comisionnan. Esaki particularmente esun di protesta y esun di apelacion;
cu no a notifica miembronan di e empeño pa haya e relato financiero di e tesorero. Esaki tin 3 aña. caba sin entrega un relato financiero;
Fuera cu esaki ta contra regla di Statuto y HR e ta contra tur regla comun di bon gobernacion.
No ta cumpli cu palabracion cu e.o. subsidiecommissie;
Ainda no a entrega raport respecto e biahe pa Mexico na Aug/Sept 2018 ni tampoco di biahe pa Republica Dominicano, en todo caso miembronan no a ser notifica;
Ta traha seleccion sin notifica of involvi teamnan. Den prensa ta haya sa cua ta e hungadornan ta den seleccion. Ta bai participa na torneonan SIN un preparacion debido y cu hungadornan cu a hunga poco wega cu nan propio ekipo;
E “maneho” ta uno adhoc cu NO ta basa riba niun plan/strategia pa desaroya talento, opleiding, hisa nivel di baseball, no ta promove e deporte no tin un historia di e ultimo aña di baseball etc.
cu desde e ultimo kwartaal di 2018 directiva tin den su poder un relato di 4 coachnan cu a bai Mexico na unda ilustra hopi inregularidadnan di ENTRE OTRO sr. Gregory Chirino. Y cu a tene esaki bon scondi. Ta te cu recientemente ora cu e mesun persona a bolbe hasi su mes culpabel na actonan inaceptabel cu e relato aki tambe a yega na conocemento di miembronan. Esaki por ser considera como “medeplichtigheid” di e directiva actual na un tipo di malversion.
ACTUANDO DEN FUNCCION Y BOU RESPONSABILIDAD
DI ABBA TA HACI CU DIRECTIVA HENTER DI ABBA TA KEDA RESPONSABEL.
ESAKI TA CONTRA REGLA COMUN DI BON GOBERNACION.
CU TA BURLA DI AUTORIDAD DI ASAMBLEA ORA A ENTREGA UN RELATO SECRETARIAL DI UN NIVEL INACCEPTABEL. ESAKI TA CONTRA STATUTO Y HR Y REGLANAN COMUN DI BON GOBERNACION
TA DICIDI:

*1. Pa pone henter e directiva responsabel pa e actonan cu por ser considera como actonan cu ta contra bienestar di baseball en general y particularmente contra e bienestar di ABBA;

*2. Ta desaproba esakinan totalmente y ta termina e confianza den henter e directiva actual di ABBA, consistiendo di sr. Karel Williams (presidente), Sr. Gregory Milano (vice-presidente), sr. Rudolf Wester (secretario), R.Geerman( tesorero) y sr. Gregory Chirino y consequentemente pa medio di es mocion aki direktiva den su totalidad ta keda retira di inmediato;

*3. Pa di inmediato instui un comision temporario pa sigui cu e tareanan di directiva. En todo caso e comision aki mester *percura pa e campeonato inicia dentro di 3 siman, * trece e proposicionnan pa cambionan den e.o. HR, *percura pa haya e relato financiero y si ta necesario por medio di polis y hasi denuncia di e malversionnan eventualmente cometi y *trata na yega un entendimento cu
Fundacion di subsidio;

*4. E directiva saliente mester entrega dentro di 3 dia tur documentonan, derechonan di uzo di cuentanan digital manera email, website of otro medionan digital of no-digital y/o pertenencianan di ABBA na e comision ariba menciona;
alabes ta haci dentro di tres dia un debido traspaso -verificabel cu prueba-di tur palabracion, asuntonan pendiente of cualkier otro acuerdo cu tin actual cu cualkier otro partido;

*5. E comision aki tin como tarea special pa busca un “accountantskantoor” pa revisa miniciosamente e relatonan financiero pa di e manera ey e directiva nobo por hiba un maneho financiero corecto y sano, na unda tur instancia, tanto priva como publico, por tin confianza atrobe den ABBA pa asina ey e federacion por eherce su labornan na bienestar di baseball en general;

*6. E comision aki mester hasi e trabownan aki dentro di 90 dia y imediatamente despues di esaki yama un Reunion General Extraordinario pa eleccion di un directiva nobo y tur comisionnan; teniendo cuenta cu “termijnen” menciona den Statuut y HR pa eleccion di directiva (kandidaatstelling etc.).

*7. E comision mester tene e miembronan na altura di e avancenan di nan tareanan y ta pasa pa ordo di dia.

Related posts