Copa Noord 2019 a continua

Copa Noord 2019 a continua

Royal Power Tat Fat Home Depot ta derota Bad Boys 13-0

Copa Noord 2019 a continua fin di siman riba veld di Kudawecha. E equipo di Royal Power Tat Fat Home Depot cu un equipo bastante rehobense a derota e atletanan di Bad Boys 13-0 via rapido den 5 entrada. Royal Power un equipo basta competitivo a inicia promer inning cu un atake formal riba e pitcher habridor Victor Winterdaal anotando 8 careda. Bad Boys a hasi tur intento pa bin bek den wega contra e pitcher veterano Alvaro Barrios pero sin resultado. Royal Power ta anota 1 careda mas den di dos inning y ta pone precion den inning anotando 4 careda mas pa asina seya nan di 4 victoria den Copa Noord 2019.

Royal Power como equipo a bati di 32-16 pa un averahe di 500 mientras Bad Boys a bay di 15-2 pa un averahe di 133 como equipo. Boxscore final Royal Power 1 careda, 16 hit, 1 error y ta laga 5 coredor na base. Bad Boys 0 careda, 2 hit, 4 error y ta laga 1 coredor den circulacion. Mihor bateador pa Royal Power a resulta Edmar “Macho” Tromp, Komark Flanegin y Franco Wouters tur di 4-2, Kelvin Silvania 4-3, Guyon Cannister 2-1, Jeandrick Croes 1-1 y Endy Croes hinself a swing e bate despues di varios aña y ta bay di 3-1. Pa Bad Boys Michell Alvarez y Albertico “Buchi” Webb ambois a bay di 2-1 porcierto e unico dos imparablenan di Bad Boys.

Royal Power su proximo compromiso ta contra organisadornan di e torneo Kudawecha Redskins diasabra 25 di Mei cuminsando pa 5.30pm na veld di Kudawecha. Copa Noord ta continua e weekend binidero.

Related posts