Nacional ta gana RCA 3 -1

Nacional ta gana RCA 3 -1

Nacional ta gana RCA 3 – 1 den e prome wega di final di futbol Division di Honor.

E final di futbol Division di Honor a inicia diaranzon anochi den gran forma ora cu Nacional y RCA a topa otro den un wega cu hopi emocion.

Un wega cu a inicia den halto velocidad cu marcacion stricto riba otro sin mucho espacio. Un Nacional cu a tuma e inciativa den e minuutnan inicial pero ta mira un RCA domina e medio campo despues y crea oportunidadnan. Dado momento Nacional a cuminsa tuma e reyenda di e wega y avansa bon padilanti cu Pulido y Oliveros. E medio campo di RCA no por a wanta e ritmo y aki espacio pa Nacional ataka a cuminsa wordo crea. Na di 22 minuut un bon hugada individual di e alero Leonardo Pulido ta crusa esaki bon dilanti gol unda Emerson Leocadio sin marcacion y sin problema ta toka e bala den gol pa e 1 – 0. RCA despues di e gol a reacciona y ta haya chens pero tur tiro y oportunidad tabata envano. E delanteronan di RCA Gomez y Fingal tabata tine basta dificil padilanti unda e ayudo di e medio campo no tabata yega lihe consecuentemente e linea defensivo di Nacional no tabata tin mucho problema pa frena e dos delanteronan.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Mester bisa cu e wega tabata basta para cu varios infraccion serca di e area penal sigur di parti di e defensa di RCA unda Nacional no a probecha di ningun. Di otro banda Oliveros y Clarissa tambe tabata bon marca pero e alero Pulido sigur tabata e homber dolor di cabes pa e linea defensivo di RCA cu su accionnan individual.

Den e di dos tempo, RCA ta sali atake buscando e gol unda un punti pia di Glenbert Croes a ser bon saca pa portero Cruz di Nacional.mbos ekipo a trata na hiba e wega na nan fabor cu toke, dominio y sorprende cu e bala largo. Na di 57 minuut Nacional por poco ta anota nan di dos gol pero defensa Lo A Njoe ta rechasa e bala net na ora. Mester bisa cu Nacional a perde Emerson debi na lesion mientras e hoben Clarissa tambe a kede resenti. Na di 62 minuut Ronaldo Martinez ta manda un bala di leu cu a dal den e tubo di gol. Na di 66 minuut, RCA ta empata e partido tras di un cabesazo di Ronald Gomez, e cruse di Stiven Melchior cu a caba di drenta wega tabata formidabel. Stiven sin duda a duna un bida na e atake di RCA e momento ey.

RCA tabata hole nan oportunidad, pero tabata Nacional cu a keda forza y ta yega na nan di dos gol ora cu e peligroso delantero y goleador Devis Oliveros ta kita dos defensa y los un misil cu portero Jansen no por a haci mucho pa e 2 – 1.

E momento ey, RCA a haci varios cambio y a keda busca e gol di empate. Pero tabata Nacional kende a marca e 3 – 1 tras di un error garafal den e linea defensivo unda Clarissa ta haya un regalo y deposita esaki sin problema den gol.

250×250 in add post
250×250 in add post
250×250 in add post
250×250 in add post
250×250 in add post
250×250 in add post
250×250 in add post

Nacional ta bay cu e victoria di 3 – 1 y lo purba na finalisa tur cos diasabra awor den e di dos partido. Si Nacional gana nan ta campeon. Si RCA gana lo tin un wega mas.

Related posts