ARUBA HI-WINDS TA CLA PA SU DI 33 EDICION

ARUBA HI-WINDS TA CLA PA SU DI 33 EDICION

E luna di juli a yega y esey ta nifica cu windsurfer y kitesurfer Arubiano y internacional ta preparando nan mes pa Aruba Hi-Winds, e evento mas grandi di deporte nautico den Caribe. E aña aki e evento ta celebra su di 33 edicion. Desde comienso di e evento aki na 1986 y comienso di ‘90, hopi cos a cambia cu e yegada di windsurfernan profesional pa competi aki na Aruba. Sinembargo Aruba Hi-Winds semper a logra pa sigui un trend nobo.

Den e ultimo 20 aña e tabata un evento popular pa amateur cu a trese participantenan for di Sudamerica, Europa y Caribbean. Kitesurf y e disciplina di Mountain bike a bin aserca y kitesurf a bira un parti mas importante di  e evento. Nos ta spera cu gran expectacion cu e beach di Fisherman’s Huts lo yena cu bela colorido di windsurf y kitesurf y cu ‘rider’ y voluntarionan entusiasma den prome siman di juli. E evento ta importante pa turismo di Aruba, pero tambe pa pueblo di Aruba. Desde hopi aña a trese diferente disciplina nobo manera e disciplina di Mountain bike y e Windpark Vader Piet Big Air Contest.  Tur aña voluntarionan y sponsornan entusiasma ta ambiciona pa organisa un evento cu hopi ambiente.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Riba tereno di windsurf Aruba tin algun orguyo nacional: Sarah-Quita Offringa cu 15 titulo mundial. El a nace y lanta na Aruba y tambe a participa varios biaha den Aruba Hi-Winds y ta representa Aruba den PWA World Tour 2019. Ta mescos pa Ethan Westera, cu a conkista e titulo di campion di mundo IFCA na 2017 y pa Mack van den Eerenbeemt cu a bira 2018 RS:X South American Champion.

E aña aki e evento Aruba Hi-Winds ta mas cortico pero ningun hende mester fada pasobra tin un eskema yena cu hopi accion riba awa. Diahuebs, dia 4 di juli, nos ta cuminsa cu registracion na Fisherman Huts y e fiesta di apertura na Nos Clubhuis. Diabierna e concurso/caredanan ta cuminsa. Den fin di siman di 5 pa 7 juli tin caredanan di windsurf y kitesurf cu ta consisti di slalom y long distance. Tambe tin careda pa boards cu hydrofoil, cu pa motibo di nan fin largo ta ascende for di awa. Mientrastanto e kitesurfernan ta bay combati otro pa e copa “Windpark Vader Piet Big Air”. E participantenan lo purba di dal e salto mas halto y lo midi esaki electronico! E beach renoba ta ofrece un bunita panorama, un dushi ambiente di festival cu hopi accion riba awa, musica bibo di diferente banda y dj y tin cuminda delicioso di Asu Mare, Arucamba snacks & Pofferdorie. Nos dj di cas, dj CJ  lo toca e mihor canticanan durante dia.

Diabierna dia 5 di juli por goza di e banda nobo”The Night Angelsz”. Diasabra dia 6 di juli Honeypot y DJ 101 lo duna un tremendo show y diadomingo dia 7 di juli Mystical Connection, Tsunami y DJ Nutzbeatz lo sali riba escenario. Dialuna dia 8 di juli lo presenta e video di e evento despues di e Awards Ceremony tradicional cu lo tuma lugar na Paseo Herencia.

250×250 in add post
250×250 in add post
250×250 in add post
250×250 in add post
250×250 in add post
250×250 in add post
250×250 in add post

Algo nobo e aña aki y pa prome biaha na Aruba tin e live streaming na Aruba Hi-Winds. Dos camera fiho y un drone lo haci e live stream posible. Publico riba beach lo por sigui e caredanan riba pantaya y naturalmente tur hende na cas tambe!

Hunto cu e comision di Aruba Hi-Winds, e organisadornan di e evento, Harm Kruize en Jordi Hoekstra, a traha duro pa organisa un evento grandioso. Nan ta invita tur hende cu ta gusta solo, laman, deporte nautico, Amstel Bright frio y entretenimento bibo pa bishita Aruba Hi-Winds!

Marca 4 pa 7 di juli den agenda pa no perde Aruba Hi-Winds!

Sigui nos na Facebook & Instagram pa keda na altura. Mas informacion por haya na www.hiwindsaruba.com

Related posts