Weganan Internacional di Volleyball

Weganan Internacional di Volleyball

WEGANAN INTERNACIONAL DI VOLLEYBALL
USA AI TA GANA SU PROME WEGA 2-1

Ariba Cancha di Centro Deportivo Betico Croes a inicia e encuentronan internacional di Volleyball entre e damasnan di USA Athletes International (USAAI) y e Team di Volleyball Positivo. Sr. Anchelino Vrolijk, Vice Presidente di Aruba Volleyball Association a yama e Team di USAAI bonbini y a gradici nan cu nan a bini Aruba pa pasa tanto nan vakantie di zomer aki na Aruba como tambe pa tin weganan di volleyball contra nos teamnan local.

Den nan prome salida e Team di USAAI a vence e Team Volleyball Positivo cu e score di 2-1. E Team Volleyball Positivo a gana e prome set cu e score di 25-23 y despues USAAI a gana e di dos set cu e score di 25-18. Den e di tres set USAAI a gana Volleyball Positivo cu e score di 15-9.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

E aña aki ta di tres biaha cu Aruba Volleyball Association ta host e Team di USA Athletes International (USAAI) cu ta un organisacion sin fin lucrativo cu ta ofrece e studiante-atleta e oportunidad deportivo unda e atletanan por participa den e deporte cu nan ta gusta ariba un nivel internacional y e oportunidad cultural unda nan ta siña conoce e cultura di otro paisnan. Despues di nan aña escolar e studiante-atleta tin e oportunidad pa forma parti di un seleccion di un deporte unda e studiante/atleta lo biaha pa exterior cu e meta pa siña conoce un otro pais y hunga/competi den nan deporte. Nan lema ta:
” bringing the world’s Athletes together through Sports and Education”

Mayan e encuentronan ta continua pa 7:30am ariba e Cancha di Centro Deportivo Betico Croes unda e Team di USAAI lo enfrenta e damasnan di VENUM.

E Rooster pa e dianan di wega ta como lo siguiente:

250×250 in add post
250×250 in add post
250×250 in add post
250×250 in add post
250×250 in add post
250×250 in add post

Dia:
Diaranzon 17 di juli 2019:
Diahuebs 18 di juli 2019:
Diabierna 19 di juli 2019:
Diasabra 20 di juli 2019:

Partidonan
USA AI vs VENUM
USA AI vs VOLLEYBALL POSITIVO
USA AI vs GAZELLES REUNITED
USA AI vs CBN CENTRO DI BARIO NOORD

Aruba Volleyball Association ta haci un Invitacion na tur Miembro di AVA, e gran fanaticada di volleyball y Aruba pa bin presencia e intercambio amistoso di volleyball entre USA Athletes International y Aruba.

Related posts