RCA cu victoria den e ABC Cup

RCA cu victoria den e ABC Cup

ABC Cup 2019 
RCA cu un tremendo extra tempo ta dal Scherpenheuvel convincente
4 – 1.

E Copa ABC 2019 a inicia na Aruba ora cu e campeon di Aruba, RCA a enfrenta e sub-campeon di Corsow, esta Scherpenheuvel. Mester bisa cu e wega aki tabata uno anticipa y a gosa di un bon acohida di parti di e publico ya cu despues di varios anja nos por a presencia un wega entre e islanan na Aruba debi na e situacionnan conoci di nos stadionnan.

Pa RCA y Scherpenheuvel tur dos a debuta den e Copa ABC aki. Remarcabel ta cu Scherpenheuvel e sub-campeon di Corsow a perde nan unico wega netamente den final pa penalty contra Vesta mientras henter e campeonato y playoff nan tabata invicto, pues un mala suerte grandi nan tabata tin.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Den e minuut nan inicial Scherpenheuvel a tuma e iniciativa y domina sigur e prome binti minuutnan di e wega. Asina mes padilanti nan tabata peligroso cu e delanteronan Rocha Gomez y Vapor pero e linea defensivo di RCA a wanta bon y no a permiti sorpresa, e presion poni pa Scherpenheuvel a stroba e wega di RCA. RCA a cuminsa hopi nervioso y no por a haya nan toke manera custumber. Despues di 20 minuut, RCA toka e bala mihor y a move mas den e area di Scherpenheuvel cu facilidad. Na di 21min, RCA ta lansa nan prome atake pa medio di un tiro liber bon ehecuta pa Jeanluc Bergen pero portero ta pusha esaki manda afor. Te cu half RCA tabata mas dominante pero e gol ta loke a haci falta cu un Bennet, Fingal y Melchor bon den atake. Sinembargo na di 44min, Scherpenheuvel ta cabeza bon riba un tiro liber unda e bala ta pasa net over di gol.

Den e di dos tempo Scherpenheuvel ta haya un chens morto na di 50minuut pero e cabezaso ta ser bon rechasa pa portero Abdul. Mester bisa cu e wega tabata hopi pareu cu tur dos ekipo cu hopi espacio pa forma nan wega desea. RCA tabata mas sigur dilanti pero atrobe tabata falta e ultimo toke y of bon tiro direccion di gol. Na di 65 minuut riba un bunita hugada individual di Rocha Gomez cu ta bay laga tres hungador di RCA riba un counter ta crusa esaki perfecto pa Vapor cu facilmente ta toka esaki tras di portero Abdul pa e 1 – 0 pa Scherpenheuvel. E gol e bini na un momento cu RCA tabata tin un leve dominio di e wega. Na di 67 minuut Stiven ta los un cañon pero e portero ta bon para den e skina y ta pomp e bala. Notabel ta cu despues di e gol Scherpenheuvel a cay full den defensa y hunga riba counter unda RCA a haya tur e oportunidad pa arma nan wega pero e ekipo tricolor no por a bini cu un atake di sorpresa. Pero e sorpresa grandi ta bini na di 93 minuut riba un tiro liber di Stiven Melchor cu ta bati portero Cunningham cu un tiro abou den skina robez pa e 1 – 1. Esaki a haci cu mester a bay extra tempo. Den e di dos tempo e hungador Walter Bennet a luci riba tereno.

Den e extra tempo, RCA ta sali brabo ya den e prome minuut un fout den defensa ta pone Fingal haci un bon hugada perp aki e veloz Andrew Martinus ta pasa su dilanti y tira duro riba gol pa e 2 – 1 na fabor di RCA. E ekipo tricolor a sigui presiona unda Jeanpierre Fingal ta anota pa e 3 – 1 pa despues sigui riba e racha unda Yanuel Kelly anota e 4 – 1. Mester bisa cu den e ultimo minuutnan e wega a bay for di man unda e arbitro ta saca 3 carchi cora, dos pa Scherpenheuvel y un pa RCA. Lamentablemente den e hugada di carchi cora un hungador di Scherpenheuvel ta dal Walter Bennet un elleboog y un mokete te fractura su cachete. Sigur un hecho di lamenta, ta spera cu algo wordo haci y straf e hungador aki di Corsow. Cosnan aki ta kibra ABC Cup cu sopose di yuda e futbol di e islanan pero cu hechonan asina ta kibra tur cos. Sigur ora e pasa di e forma aki, esta pa lesiona e hungador.

Cu e score di 4 – 1, RCA ta avansa facilmente y lo topa Nacional di Aruba otro siman na Aruba mes. Nacional a perde su wega pero a pasa pa e semi-final como e mihor ekipo perdedor cu menos gol ricibi.

250×250 in add post
250×250 in add post
250×250 in add post
250×250 in add post
250×250 in add post
250×250 in add post
250×250 in add post

Related posts