Copa Don Elias Mansur cla pa cuminsa

Copa Don Elias Mansur cla pa cuminsa

Copa Don Elias Mansur 2019 lo start sali awe diahuebs cu pa 7or e partidaso, Nacional contra di RCA y pa 9or Dakota contra di Caravel.

E pre-temporada di futbol na Aruba lo inicia awe oficialmente cu e Copa Don Elias Mansur 2019, edicion number 21. E 8 ekiponan cu lo lucha pa e titulo maximo lo ta den poule A, RCA, Nacional Soccer Club Aruba, Sport Vereniging Dakota y Independiente Caravelmientras den poule B nos lo haya Sport Vereniging La Fama, S.v. Bubali Noord-Aruba, Sv Brazil Juniors y Sv Britannia Aruba. Mas cu claro e yamada ta bay na e amantenan di futbol cu entrante awe por cuminsa yega stadion Guillermo Trinidad na Dakota mirando cu e Copa Don Elias Mansur 2019 lo habri cu dos wega candela ora cu e campeon y sub-campeon di e temporada pasa esta RCA y Nacional lo enfrenta otro pa 7or di anochi mientras pa 9or di anochi lo sigui cu e otro tremendo partidaso ora cu e ekipo di Dakota enfrenta e piratanan di Angochi, Caravel. Pa 6.30 di atardi lo inicia cu un ceremonia di apertura mientras e pistaso inicial lo ta pa 7or di anochi. Mester bisa pa su majan diabierna, diasabra y diadomingo e weganan lo continua den stadion Guillermo Trinidad.

inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019
inPostAdd_febr2019

Su siguiente siman esta diahuebs 12 y diabierna 13 di september lo hunga e ultimo weganan den ambos poule. Diasabra 14 di september lo hunga e weganan semi-final y pa su majan diadomingo lo clausura e Copa Don Elias Mansur 2019 cu e gran final unda lo cuminsa na celebra esaki for di tempran cu algun weganan amistoso. E final di e CDEM 2019 lo cuminsa pa 8or di anochi.

E prijs di entrada pa tur e dianan lo ta 7 florin pa hende grandi y mucha te cu 12 anja di edad lo paga 2 florin. Lo bay tin animacion di DJ Bjorn Tromp, e MC-nan lo ta Roberto A Geeman y Elsa Krosendijk mientras e Bar y Cushina lo ta super bon surti.

Mira e schedule pa mas informacion.

250×250 in add post
250×250 in add post
250×250 in add post
250×250 in add post
250×250 in add post
250×250 in add post
250×250 in add post

Related posts